30歲前很想要完成的事

每個人想做的事要很多,我也不例外.但太多目標會令人無所適從,心有餘而力不足.
今次定下"30歲前很想要完成的事"希望藉此勉勵自己.如果比你睇到.希望你可以幫我打氣啦~
1.OU畢業
-其實仲有2科就畢業,T334今年8月尾考試,個人感覺比較難,可能係我太少溫書啦.為左呢科我打算係考試前放假溫書.同學們可以搵我一齊溫習啊~另一科T222,除左analog個part要慢慢"回顧"之外,digital個part非常easy,諗起心都笑.
2.成為Sen Tech/AEnI
-呢個目標對我黎講真係好困難,大大話話都in左5,6次,次次都係得個桔.如果下年都有得in,我會抱住平常心態去考,雖然話定左個目標,但呢樣野好多都係"成事在[人]"的.不能強求.唯有全力以赴,問心無愧.
3.改變自己
-人係要進步,成熟既,最佳既方法就係改變一下.之前想嘗試改變/戒除一d缺點/壞習慣.但始終是人嘛,有惰性,由其係我本身超懶.所以好多都改不了.
今次來個反轉,唔改壞既,而去將優點/好習慣發揚光大.應該比較容易不吃力,希望能夠成功.
至於我的優點是什麼,我自己也不是全部知道.希望各方好友可以指點一下.幫幫手.^_^