照腸鏡

<內容可能會引起不安,敬請留意>
照腸鏡之前一日入院,晚上開始禁食,要飲兩次瀉藥,我由9點幾到凌晨4點幾,痾左6次.成間病房既WC都比我一個人用晒...用廁紙用到Seafood都損啦.>_<
諗住應該Clear晒,點知第2朝早護士巡房,問我去左之後有冇比佢地睇下,cheak有冇clear.我話無(我唔知要check,我又咁誠實...)之後有個year 1既姑娘黎幫我"便利通完場",仲叫我忍15分鐘.嘩,呢15分鐘真係生不如死...一路睇香港早晨,一路睇住個時間.夠鐘!即刻衝入去黎個解脫.咕嚕咕嚕~~~攪定之後call鐘,有個ar姐入黎,望一望.話"你d廁紙遮住左,睇得唔清楚...應該ok既 "心諗終於OK.可以他他條條咁睇電視啦.
點知過左一陣,又有另一個year 1姑娘入黎幫我做第2次"便利通完場"!,OH,My God!我問做乜要做,我已經KO左啦.不過姑娘話廁紙遮住,又話要搵護士睇,ar姐唔得,仲話15分鐘唔夠耐,最好20-25分鐘.聽完之後我想暈呀...好難頂呀!救命...想去又不能去既感覺係好痛苦.嗚~ (p.s.:我睇呢個姑娘既pass張相都ok 嫁,不過佢咁對我"好",我開始對姑娘們既印象改觀啦,嗚~~~)
呢25分鐘,好似渡日如年咁,但我終於都堅持過去,之後向WC勇往直前,一飛衝天!最後係o個位姑娘既QC之後,終於過關! yeah!
手術之前,又去多一次 wc,順便做埋bath,洗乾淨個8月15,然後就係做手術啦~
手術內容: 我詶係張床度,比ar姐推入左手室,見到醫生,仲有個麻醉科醫生幫我打麻醉針.唔使30秒就訓左ZZZ...起身個陣已經係手術室出面...=P (唔好打面...)
過左1,2個鐘頭,醫生cheak左冇乜問題,拎埋分report,比$ (金額大約 1.5對UE 11),拎藥,走得.
心諗用1.5對UE11換個健康都係值既,鬼叫我怕"屎"咩!
總結一下,為左照呢個腸鏡,我total去左9次 Big WC. 照腸結果我就唔講啦,呢d係私隱.

係度比d想照腸鏡既朋友一d tips:
1.其實排正苦醫院平好多,只要你等得,慳返既錢可以去買UE 11.
2.我入院之前已經禁食高纖食物,食流質食物(係醫生要求),不過想更快clear,都係食粥水/稀粥啦!
3.記得每次去完,都留低現場證據,唔好比廁紙遮住,仲要比"護士"而唔係ar姐做QC,或可提早過關.
4.經過今次體驗,我以後應該唔會係WC坐太耐,因為始終對條腸冇咁好--會因坐廁姿勢,令結腸/肛門位置谷血.
5.懷疑自己條腸有野都去check下求個安心la,大腸癌係Cancer殺手@HK排No.2架!

<原文於http://randomtsui.blogspot.com/,欲看其他圖文,請按"查看原文".謝謝.>